Нумар асьвятляе баявыя дзеяньні на тэрыторыі Беларусі падчас Другой сусьветнай вайны. У выпуску: кніга нямецкага гісторыка Марка Бартушкі "Партызанская вайна ў Беларусі ў 1941-1944 гадох: усе супраць усіх"; кніга яго польскага калегі Славаміра Косіма "Менск, 1941 год" пра катастрофу Чырвонай Арміі летам 1941 году на тэрыторыі Беларусі; дасьледаваньне нямецкага навукоўца Аляксандра Бракеля "Найбольш небясьпечны гнеў сялянаў.." пра забеспячэньне савецкіх партызанаў у Баранавіцкім рэгіёне і іх стаўленьне да мірнага насельніцтва; артыкулы аб арганізацыі беларускіх узброеных фармаванняў падчас Другой сусветнай вайны і іх абмундзіраваньні. У нумары друкуецца таксама поўны тэкст Страявога вайсковага статута Беларускай Самааховы.