Тэма нумара: сьвяточная культура Беларусі. Гісторык зь Беластоку Алег Латышонак піша пра беларускія нацыянальныя сьвяты, ідэалягічна непрымальныя для сучаснага беларускага рэжыму, але важныя для культывацыі нацыянальнага канону гістарычнай памяці. Разглядаюцца сьвяточныя традыцыі, распаўсюджаных на беларускіх землях у пэрыяд іх знаходжаньня ў складзе Вялікага Княства Літоўскага і Рэчы Паспалітай (артыкулы Наталлі Сліж, Аляксандры Верашчагінай, Ганны Паўлоўскай, Людмілы Рогач), Расійскай імперыі (тэксты Вольгі Папко, Вольгі Сабалеўскай, Іны Соркінай), нямецкай акупацыі Беларусі часоў Другой сусветнай вайны (матэрыял Аляксандра Фрыдмана), пасьляваеннага Савецкага Саюза (публікацыя Яна Шумскага). Не абыйдзеныя ўвагай і шматвяковыя адметныя святочныя традыцыі беларускай вёскі (тэксты Тацьцяны Кухаронак, Тацьцяны Валодзінай і Ірыны Махоўскай).